Page 5 - Fasnachts-Zeitung 2021

5

Weisch wenn chDöunenstcshchs JzowoäreihssuanldäeärrtvDoosmBlioncdheLrasnzdäsmchmaeftzestlleel,le.

Mol z früeh (2019), mol doppelt (2020) im Entsorgigskaländer
I glaub diä hey ä Gnusch bir Gmeini
Flexibel jo, aber glaub das good so nid
Dr Abfallkaländer luegt jede a
und isch au verbindlig was Termine a good
Mir Fasnächtler hey no alles im Griff
und si bigoscht nid irre zführe
Mir chöi rächnä, schribä und au läsä
was gwüssi uf dr Gmeini nid chönnä begriffe
us dämm Grund stood au s’Datum
gross uf dr neue Fasnachtsblagedde
so dass jetzt jede cha läsä…
Weisch wenn…
Leider isch es jetzt anders cho
D Fasnacht 2021 isch abgsait…
Weisch wenn isch jetzt für d Gschicht
Äs Datum wo kei Fasnacht statt findet
Hoffentlich stood jetzt im Ertsorgigskaländer
Nid äs Fasnachtsdatum…
Weisch wenn isch jetzt d Frog
wenn diä negschti Fasnacht isch
Wenn widr «Normalität» herrscht
Weisch wenn…
Mir wüsses alli nid und düen mir eus überrasche…
Wär weiss denn scho wenn…

Stefan / Hu

Noochwuggs

Hesch immer e guete Spruch uff Laager,
bisch witzig, – aber nid makaaber.
Hesch in Aesch di Heimet gfunde
und schnurrsch esoo wie miir doo unde.
Ghöörsch vo Doorffklatsch, bsundre Gschichte?
Hesch au Fröid, wenn si chaasch brichte?
(Drbyy chaasch du jo uff daas Dichte,
wenn s luschtig isch, au voll verzichte).
Jä denn ischs äifach, woog dä Schritt,
und mach bi dääre Zyttig mit!
Miir mäines ärnscht, verzelle käi Chääs,
mäld di doch bi dr Daniela Räss.

Redaktion